“Wat is dat doch aal veur gedreun?”
“Ze bìnnen aan t heien, bie Fokke Hiemstroa.”
“En mouten ze doar zo’n toustand van moaken? Je worden der ja stokdoof van en je stoan te trillen op joen bainen. Kin Hiemstroa doar nait even wat van zeggen?”
“Nee, dat helpt nait, heuren ze doch nait…. Lopen ook ja aal mit dij kopdoppen op… Hebben ze der zulf gain last van. Nou, maggen ze ons ook wel even lainen, wat n roasderij!”
“Wordt dij Hiemstroa onze noaber?”
“Joa, dou der mor denken om, noaber op ofstand, op 20. ”
“Nou, ze zeggen doch aaltied, beter n goie noaber as n verre vrund… Loop even noar hom tou en zeg mor dat nou wel mooi west is..”
“Ik kiek wel oet, ik bemui mie der nait mit. Kom, neem nog mor n pluk heu, goud veur dien daarms…”

©janblaauw, 24 10 2008